Localizador de recursos electrónicos :: Fiador: Publicar en acceso aberto en Cambridge University Press

Publicar en acceso aberto en Cambridge University Press

Última actualización: marzo de 2024

Táboa de contidos

Características do acordo

Requisitos de financiamento

Compromisos das persoas beneficiarias

Outras disposicións

Instrucións para as/os autoras/es

Outras ligazóns de interese

Características do acordo

As tres universidades galegas, a través do CISUG, asinaron en decembro de 2020 un contrato coa Cambridge University Press (CUP), chamado "CUP Read & Publish", que da acceso á colección completa de revistas CUP e ofrece a posibilidade de publicar en acceso aberto en máis de 400 revistas do seu catálogo sen ter que pagar os APC (Article Processing Charge).

Tipoloxía documental: artigo de investigación
Tipoloxía de fonte: revistas de acceso aberto dourado (Gold OA) e híbridas (revistas de subscrición con opción de acceso aberto). Listaxe de revistas: dentro desta páxina, cómpre seleccionar país e institución para ver a relación de revistas elixibles. Nesta guía explicamos como atopar as revistas elixibles.
Cobertura temporal: data de publicación do artigo: do 01/01/2024 ao 31/12/2024
Cobertura do custo do APC: 100% do custo do APC
Cobertura de número de artigos: ilimitado
Tipos de licenza: Creative Commons: CC-BY, CC-BY-NC, CC-BY-NC-ND, CC-BY-NC-SA

Requisitos de financiamento

Ter un artigo aceptado para a súa publicación con algunha das editorias coas que a Universidade de Vigo ten acordo, durante a duración do dito acordo.
O autor ou a autora de correspondencia (corresponding author) do artigo obxecto de financiamento debe ser membro da Universidade de Vigo e empregar o correo institucional da universidade coas extensións uvigo.gal ou uvigo.es.
Facer constar no artigo a filiación normalizada segundo o Protocolo para a normalización da sinatura científica da Universidade de Vigo.
As publicacións levarán un texto de agradecemento mencionando a universidade e/ou CISUG ou CRUE-CISUG, segundo corresponda.

Compromisos das persoas beneficiarias

As/os autoras/es depositarán unha copia da versión publicada no repositorio institucional Investigo para incrementar a súa visibilidade e garantir a súa preservación a longo prazo.

Outras disposicións

Non se establece un límite para as APC que pode solicitar cada autor/a ou grupo de investigación.
No caso de existir limitación nos pagos das APC, o criterio último de aceptación será a orde de chegada das solicitudes ata acadar os tokens de APC dispoñibles.
Os/as autores/as deben ter en conta que o custo por exceso de páxinas, gráficos en cor ou calquera outro extra de edición non está cuberto polos acordos.
Non se poden utilizar os créditos para publicar eBooks.

A Biblioteca da Universidade de Vigo é a encargada de xestionar as solicitudes. Neste sentido, contactará coas persoas solicitantes para confirmarlle a aceptación ou denegación do cargo da APC.

Instrucións para as/os autoras/es

Envío do manuscrito á editorial

a) Unha vez que o seu traballo foi aceptado recibirá un correo con instruccións, complete e envíe o acordo de publicación en acceso aberto da revista e escolla a licenza Creative Commons.

b) Se o corresponding author está correctamente identificado, a plataforma de pago de Cambridge, Rightslink (1), o identificará automáticamente como beneficiario/a dos acordos.

c) A Biblioteca procederá a autorización ou denegación do pago en caso de non cumprir con algún dos requisitos.

d) Recibirá un correo de Rightslink confirmado o pago da APC.

^{(1) Rightslink: plataforma onde se realiza o pago das APC para a publicación en acceso aberto. A súa nova ferramenta OA Agreement Manager facilita estas transaccións nos acordos R&P.}

Open Access Publishing Workflow (Guía de uso)

Outras ligazóns de interese