Localizador de recursos electrónicos :: Fiador: Publicar en acceso aberto en Wiley

Publicar en acceso aberto en Wiley (DESACTUALIZADA)

DESACTUALIZADA. Por favor, consulte as novas Biblioguías de apoio á investigación.

Táboa de contidos

Publicar en acceso aberto en Wiley (DESACTUALIZADA)

Características do acordo

Requisitos de financiamento

Compromisos das persoas beneficiarias

Outras disposicións

Instrucións para as/os autoras/es

Outras ligazóns de interese

Nova de Wiley sobre cargos por páxina e cor (abril 2023)

Para facilitar o proceso de publicación, Wiley decidiu eliminar os cargos por páxina e cor de todas as revistas Gold e, no futuro, todas as novas revistas Gold, incluídas as revistas que pasen do modelo híbrido ao Gold, xa non incorrerán nos devanditos cargos.

Algunhas das revistas híbridas seguen aplicando estas taxas, pero a maioría delas renunciará aos gastos de páxina e cor unha vez que se pagou un APC. Esta exención aplícase no momento en que o artigo é aceptado para a súa publicación. Aconséllase aos autores/as que consulten as directrices de cada revista para familiarizarse coa política de tarifas por páxina e cor antes de enviar un manuscrito.

Características do acordo

As tres universidades galegas, a través do CISUG, participan no acordo asinado entre a CRUE-CSIC e a editorial Wiley, que da acceso á colección completa de revistas e ofrece a posibilidade de publicar en acceso aberto en máis de 1300 revistas híbridas do seu catálogo sen ter que pagar os APC (Article Processing Charge).

Tipoloxía documental: Artigos de investigación primaria, artigos de revisión.
Tipoloxía de fonte: 1.330 revistas híbridas (Hybrid Open Access) de Wiley (revistas baixo suscrición que aceptan a publicación de artigos en OA). Listaxe de revistas elixibles.
Cobertura temporal: data de publicación do artigo: do 1/1/2024 ao 31/12/2024
Cobertura do custo do APC: 100% do custo do APC
Cobertura de número de artigos: financiarase o importe da APC en revistas híbridas (hybrid OA) e Gold OA ata esgotar os fondos adxudicados á Universidade de Vigo.
Tipos de licenza: Creative Commons CC-BY (preferiblemente), CC-BY-NC, CC-BY-NC-ND Máis información

Requisitos de financiamento

Ter un artigo aceptado para a súa publicación con algunha das editorias coas que a Universidade de Vigo ten acordo, durante a duración do dito acordo.
O autor ou a autora de correspondencia (corresponding author) do artigo obxecto de financiamento debe ser membro da Universidade de Vigo e empregar o correo institucional da universidade coas extensións uvigo.gal ou uvigo.es.
Facer constar no artigo a filiación normalizada segundo o Protocolo para a normalización da sinatura científica da Universidade de Vigo.
As publicacións levarán un texto de agradecemento mencionando a universidade e/ou CISUG ou CRUE-CISUG, segundo corresponda.

Compromisos das persoas beneficiarias

As/os autoras/es depositarán unha copia da versión publicada no repositorio institucional Investigo para incrementar a súa visibilidade e garantir a súa preservación a longo prazo.

Outras disposicións

Non se establece un límite para as APC que pode solicitar cada autor/a ou grupo de investigación.
No caso de existir limitación nos pagos das APC, o criterio último de aceptación será a orde de chegada das solicitudes ata acadar os tokens de APC dispoñibles.
Os/as autores/as deben ter en conta que o custo por exceso de páxinas, gráficos en cor ou calquera outro extra de edición non está cuberto polos acordos (agás revistas Gold).
Non se poden utilizar os créditos para publicar eBooks.

A Biblioteca da Universidade de Vigo é a encargada de xestionar as solicitudes. Neste sentido, contactará coas persoas solicitantes para confirmarlle a aceptación ou denegación do cargo da APC.

Instrucións para as/os autoras/es

Outras ligazóns de interese