As tres universidades galegas, a través do CISUG, asinaron un contrato coa editorial Elsevier que se extenderá ata o ano 2024 que permite a lectura da colección de revistas incluídas en ScienceDirect, ademais da publicación en acceso aberto nas revistas híbridas da Freedom Collection. Quedan excluidos do acordo de publicación os seguintes títulos: Lancet, Cell e Clinics.
- Tipoloxía documental: artigo de investigación (article, reviews).
- Tipoloxía de fonte: revistas hibridas de Elsevier en Freedom Collection e revistas específicas Non Freedom Collection subscritas individualmente pola universidade a excepción de Cell Press, Lancet e Clinics (pestana Core Hybrid FC Titles). Inclúe tamén dous títulos de Doyma Collection (pestana Account Eligible Titles) Listaxe de títulos elixibles.
- Cobertura temporal: data de aceptación do artigo: 31/12/2024
- Cobertura do custo do APC: 100% do custo do APC.
- Cobertura de número de artigos: financiarase o 100% do importe da APC en revistas híbridas (hybrid OA) e un 10% de desconto nas revistas Full OA. Ao esgotar os fondos adxudicados á Universidade de Vigo, aplicarase o desconto do 10% tanto nas revistas híbridas como Full OA incluidas no acordo.
- Tipos de licenza: Creative Commons CC-BY, CC-BY-NC-ND.
-
Ter un artigo aceptado para a súa publicación con algunha das editorias coas que a Universidade de Vigo ten acordo, durante a duración do dito acordo.
-
O autor ou a autora de correspondencia (corresponding author) do artigo obxecto de financiamento debe ser membro da Universidade de Vigo e empregar o correo institucional da universidade coas extensións uvigo.gal ou uvigo.es.
-
Facer constar no artigo a filiación normalizada segundo o Protocolo para a normalización da sinatura científica da Universidade de Vigo.
-
As publicacións levarán un texto de agradecemento mencionando a universidade e/ou CISUG ou CRUE-CISUG, segundo corresponda.
- As/os autoras/es depositarán unha copia da versión publicada no repositorio institucional Investigo para incrementar a súa visibilidade e garantir a súa preservación a longo prazo.
-
Non se establece un límite para as APC que pode solicitar cada autor/a ou grupo de investigación.
-
No caso de existir limitación nos pagos das APC, o criterio último de aceptación será a orde de chegada das solicitudes ata acadar os tokens de APC dispoñibles.
-
Os/as autores/as deben ter en conta que o custo por exceso de páxinas, gráficos en cor ou calquera outro extra de edición non está cuberto polos acordos.
-
Non se poden utilizar os créditos para publicar eBooks.
A Biblioteca da Universidade de Vigo é a encargada de xestionar as solicitudes. Neste sentido, contactará coas persoas solicitantes para confirmarlle a aceptación ou denegación do cargo da APC.
a) O/a autor/a de correspondencia recibe un correo despois da aceptación do artigo cunha ligazón para seleccionar as opcións de publicación. Para iso hai que picar na opción Complete the Rights and Access Information Form.
b) No seguinte paso selecciónanse os datos da afiliación no despregabre.
c) Introdúcense os datos e afiliación dos/ as co-autores/as.
d) A continuación, complétanse os datos da entidade financiadora.
e) Selecciónase a opción Gold Open Access e a licenza Creative Commons.
f) Finalmente, elíxese o status do/da autor/a de correspondencia e asínase o contrato, o cal se presenta para a súa aceptación.
Por favor, contacte con: 
- Acordos transformativos para publicar en acceso aberto
- Descontos para publicar en acceso aberto
- Publicar en acceso aberto en Cambridge University Press
- Publicar en acceso aberto en Oxford University Press
- Publicar en acceso aberto en Royal Society of Chemistry (RSC)
- Publicar en acceso aberto en IEEE
- Publicar en acceso aberto en Springer
- Publicar en acceso aberto en Wiley
- Publicar en acceso aberto en ACS (American Chemical Society)
- Publicar en acceso aberto en ACM (Association for Computing Machinery)
- Acceso Aberto
- Repositorio Institucional Investigo
- Licenzas Creative Commons
Tlf: +34 986 813 853