FIADOR (Localizador de Fontes de Información Académica) :: Fiador: Publicar en acceso aberto en Oxford University Press

Publicar en acceso aberto en Oxford University Press

Última actualización: marzo de 2024

Táboa de contidos

Características do acordo

Requisitos de financiamento

Compromisos das persoas beneficiarias

Outras disposicións

Instrucións para as/os autoras/es

Outras ligazóns de interese

Características do acordo

As tres universidades galegas, a través do CISUG, asinaron en decembro de 2020 un contrato coa Oxford University Press (OUP) que dá acceso á colección completa de revistas OUP e ademais ofrece a posibilidade de publicar en acceso aberto en máis de 300 revistas do seu catálogo sen ter que pagar os APC (Article Processing Charge). Trátase dun acordo do tipo Ler e Publicar (Read & Publish).

Tipoloxía documental: artigo de investigación. Tipos: Articles, Reviews e Proceedings
Tipoloxía de Fonte: 478 revistas de acceso aberto dourado (Gold OA) e Híbridas (Hybrid OA) (revistas de subscrición con opción de acceso aberto). Consulte a listaxe de revistas elixibles.
Cobertura temporal: data de aceptación do artigo: 1/1/2024 a 31/12/2024
Cobertura do custo dos APCs: 100% do custo do APC
Cobertura de número de artigos: 12 artigos por universidade
Tipos de licenza Creative Commons: CC-BY, CC-BY-NC, CC-BY-NC-ND

Requisitos de financiamento

Ter un artigo aceptado para a súa publicación con algunha das editorias coas que a Universidade de Vigo ten acordo, durante a duración do dito acordo.
O autor ou a autora de correspondencia (corresponding author) do artigo obxecto de financiamento debe ser membro da Universidade de Vigo e empregar o correo institucional da universidade coas extensións uvigo.gal ou uvigo.es.
Facer constar no artigo a filiación normalizada segundo o Protocolo para a normalización da sinatura científica da Universidade de Vigo.
As publicacións levarán un texto de agradecemento mencionando a universidade e/ou CISUG ou CRUE-CISUG, segundo corresponda.

Compromisos das persoas beneficiarias

As/os autoras/es depositarán unha copia da versión publicada no repositorio institucional Investigo para incrementar a súa visibilidade e garantir a súa preservación a longo prazo.

Outras disposicións

Non se establece un límite para as APC que pode solicitar cada autor/a ou grupo de investigación.
No caso de existir limitación nos pagos das APC, o criterio último de aceptación será a orde de chegada das solicitudes ata acadar os tokens de APC dispoñibles.
Os/as autores/as deben ter en conta que o custo por exceso de páxinas, gráficos en cor ou calquera outro extra de edición non está cuberto polos acordos.
Non se poden utilizar os créditos para publicar eBooks.

A Biblioteca da Universidade de Vigo é a encargada de xestionar as solicitudes. Neste sentido, contactará coas persoas solicitantes para confirmarlle a aceptación ou denegación do cargo da APC.

Instrucións para as/os autoras/es

Envío do manuscrito á editorial

a) Cando o manuscrito é aceptado, o autor recibe unha mensaxe de correo electrónico cunha ligazón ao sistema online de licenciamento e pago de APC.

b) Acceda ao sistema cun usuario de Oxford Academic Journal ou rexistre unha nova conta.

c) Seleccione a licenza Creative Commons axeitada e confirme o acordo de copyright e a xestión dos pagos.

d) Escolla a opción Consorcio Interuniversitario do Sistema Universitario de Galicia (CISUG) no despregable “Open Access Prepayment Account”.

e) Revise a súa solicitude antes de enviala. Recibirá un correo da universidade confirmado ou rexeitando o pago da APC. En caso de denegación, poderá efectuar o pago por outros medios.

OUP Open Access Acount User Guide (Guía de uso para autores/as)
Nota: a anterior plataforma de pago (Author Services) será substituída por unha nova chamada SciPris (guía de uso). Mentres dure esta transición, tras ser aceptados os manuscritos para a súa publicación os autores serán dirixidos a unha ou outra plataforma dependendo da revista elixida

Outras ligazóns de interese