Publons é un servizo web gratuíto de rexistro, verificación e recoñecemento de actividades académicas relacionadas coa revisión por pares e a edición de publicacións científicas.

Está vinculado a Web of Science e permite crear un perfil de autor/a que permite reunir as publicacións como autor/a, editor/a e revisor/a xunto coas métricas de impacto relacionadas.

Para mellorar a identificación da producción científica que pertence a un autor, as empresas que xestionan as bases de datos introduciron os seus propios identificadores:

• ResearcherID, foi creado pola Web of Science en 2007 para axudar a identificar aos autores das publicacións en WOS.
• Publons naceu en 2012 como plataforma independente e gratuíta para dar visibilidade ao traballo dos revisores e editores das revistas.
• En 2017, Clarivate Analytics (propietaria de WOS) mercou Publons e renovou a súa imaxe integrando ResearcherID.
• En 2022, co lanzamento da nova versión da Web of Science, Clarivate integrou os datos de Publons en Wos para ter unha plataforma completa cos perfís de investigadores.

Pódese acceder desde https://publons.com/ ou desde Web of Science:

 

• Se xa ten conta na Web of Science ou nalgún dos produtos de Clarivate (WOS, Endnote Esci, Incites, etc. ) empregue esa conta para iniciar sesión en Publons.
• Se previamente á fusión con Publons contaba cun perfil en Research ID público, use a mesma conta para iniciar sesión en Publons
• Se non ten conta en ningún dos proudtos de Clarivate acceda a Publons https://publons.com/account/register/ e rexístrese coa conta de correo da Universidade de Vigo

Prema no enlace para ver as principais funcionalidades de Publons

O perfil permítelle xestionar o seu nome normalizado e as súas variantes, os campos de investigación nos que traballa e unha pequena biografía.

Tanto se era usuario de ResearcherID, tiña conta en Web of Science ou EndNote como se acaba de crear unha conta en Publons é importante que complete o seu perfil persoal.
Prema no enlace para ver como completar o perfil e a súa filiación

Pode vincular o sue perfil Publons con ORCID e exportar e importar información (publicacións, revisións…) de forma rápida entre os dous sistemas. Para que ese intercambio de información entre Publons e Orcid sexa posible é necesario:

Paso 1: vincular ambas as dúas contas
Paso 2: outorgar permisos para enviar publicacións de Publons a Orcid

Descargue aquí un titorial cos pasos a seguir.

Para engadir publicacións que están indexadas en WOS, búsqueas en WOS desde o perfil de Publons. Cando usa esta opción, ademais de completar o perfil de Publons, WOS engade ás súas publicacións o seu número Researcher ID e o seu identificador ORCID (se o ten vinculado en Publons). Deste xeito, as súas publicacións quedarán correctamente identificadas en WOS para que se poida recuperar nunha busca por autor/a, por ORCID ou por ResearcheID. No exemplo seguinte pode ver como WOS incorpora á súa información o ResearcherID e o número ORCID dos seus autores/as:
 
Para engadir publicacións que non están indexadas en WOS, pode usar algunha das opcións seguintes:

• Importar as publicacións desde o seu perfil de ORCID. Prema no enlace para ver como engadir publicacións de ORCID
• Importar as publicacións usando un identificador (título, DOI...). Prema no enlace para ver como engadir publicacións desde un identificador
• Importar as publicacións desde arquivos RIS, CSV, BibTex. Prema no enlace para ver como engadir publicacións desde arquivos RIS, CSV...

O WOS ResearcherID é un identificador alfanumérico que vincula as publicacións dun/ha autor/a en todos os productos de Web of Science (Web of Science, Publons, Incites) . Este número asegura unha identificación inequívoca dunha persoa e dos seus traballos e pode usarse tamén como elemento de busca en WOS.

Se é un usuario novo en Publons, comprobe que non ten ningún ResearcherID asignado. O número ResearcherID aparece, se o ten, na parte superior dereita no seu perfil de Publons. Se este número non aparece, pódeo obter de dúas formas:
 

1. Se non ten ningunha publicacion indexada en WOS, acceda ao seu rexistro de Publons e despois prema neste enlace para xenerar automáticamente un número ResearcherID. 
2. Se ten algunha publicación indexada en WOS, ten que engadir ao seu perfil en Publons alomenos unha delas sen saír de Publons:

Despois de incorporar algunha publicación desde WOS ao perfil de Publons, no prazo dun día, recibirá un correo electrónico do equipo de Publons avisando que xa ten creado o seu ResearcherID. Este número aparecerá na parte superior dereita do seu perfil en Publons:


 

• Normalización da sinatura científica
• Autoría
• Perfil Investigador
• ResearcherID
• ORCID
• Actualización automática de SUXI desde WOS
• Perfil de autor/a en Google Académico
• Scopus Author ID