Localizador de recursos electrónicos
PERFIL INVESTIGADOR
                       

(actualización: abril de 2020)

Para que serve un perfil investigador?
A creación dun perfil investigador permite unificar e xestionar a identidade profesional:
  • Evita a ambigüidade e duplicidade dos nomes
  • Facilita a recompilación da produción científica
  • Aumenta a visibilidade das publicacións

Que perfís investigadores existen?
Existen varios perfís investigadores, pero os máis coñecidos e empregados son:
 
Que é ORCID?
ORCID (Open Researcher and Contribution ID) é unha organización internacional sen ánimo de lucro que proporciona un identificador dixital único e persistente. O seu obxectivo é solucionar o problema da duplicidade e ambigüidade dos nomes dos investigadores/as, cun número de identificación persoal único e un perfil investigador onde agrupar e identificar toda a produción científica.

O identificador ORCID pódese incluír na páxina web do investigador/a, ao presentar publicacións (de feito, comeza a ser un requisito para publicar nas editoriais máis importantes) etc.
ORCID é un sistema independente de calquera editorial, polo que se pode conectar con outros sistemas de identificación de autores como ResearcherID, Scopus Auhtor Identifier, RePEc...

 

 

Consulte a nosa guía sobre ORCID
Que é Scopus Author ID?
Scopus Author ID é o sistema de identificación de autores e autoras de Scopus. Créase de xeito automático cando Scopus indexa unha publicación. En ocasións, neste proceso de indexación, Scopus duplica o perfil, cando non detecta que esa persoa xa está incluída na base de datos. Cando isto ocorre, cómpre solicitar a agrupación das distintas variantes do nome e as publicacións en Scopus baixo unha única firma.
 
  • Vantaxes:
    • Créase automaticamente ao ter publicacións en Scopus
    • Permite xerar listaxes de publicacións e métrica de citas
       
  • Limitacións:
    • As identificacións de autores non sempre son correctas
    • Non se poden importar publicacións doutras fontes 
    • Ninguén pode crear un perfil de autor/a en Scopus


Consulte a nosa a guía sobre Scopus Author ID
Que é ResearcherID?
ResearcherID é o identificador de autor/a que emprega Web of Science (WOS) para agrupar as variantes do nome baixo un único código persoal (ID). Desde o 15 de abril de 2019, as contas de ResearcherID xestiónanse a través de Publons, outro servizo da mesma empresa (Clarivate Analytics).

Publons naceu para identificar persoas que realizan tarefas de revisión de artigos para as revistas. Desde a súa integración en WOS, constitúese como unha plataforma de perfís de autor/a que permite que WOS os identifique de xeito inequívoco. Ofrece ademas un escaparate da carreira científica dos autores, onde estes poden ofrecer información sobre as institucións nas que se formaron e traballaron, as súas publicacións (non só as indexadas en WOS), e o seu traballo de edición e revisión para revistas.

Consulte as nosas guías sobre ResearcherID e Publons
Contacta coa biblioteca
Picture: Biblioteca Central Campus Vigo

Biblioteca Central Campus Vigo
Soporte Aprendizaxe e Investigación
Tel: (+34) 986.813.843

Picture: Biblioteca Central Campus Pontevedra

Biblioteca Central Campus Pontevedra
Soporte Aprendizaxe e Investigación
Tel: (+34) 986.802.001 / 986.801.996

Picture: Biblioteca Central Campus Ourense

Biblioteca Central Campus Ourense
Soporte Aprendizaxe e Investigación
Tel: (+34) 988.387.230 / 988.387.158