SPI Scholarly Publishers’ Indicators: inclúe un ranking de editoriais de libros de humanidades e ciencias sociais, baseado nunha enquisa realizada a expertos españois.

Master Book List de WOS: WOS indexa máis de 25000 libros de ciencias, ciencias sociais, arte e humanidades. Podes consultar aquí a relación de editoriais que foron seleccionadas para estar incluídas en Web of Science

Sello de calidade en edición académica CEA-APQ: selo promovido pola Unión de Editoriais Universitarias Españolas (UNE) e avalado pola ANECA e a FECYT. Este selo é recoñecido como indicio de calidade das publicacións para a avaliación dos méritos da actividade investigadora da ANECA. Convócase anualmente e ten unha validez de 3 anos. Consulta aquí a relación de editoriais que contan con este selo.

IE-CSIC (Índice de Editoriales CSIC): relación de editoriais categorizadas conforme a súa calidade para avaliar a produción científica dos investigadores e investigadoras do CSIC. Inclúe todas as editoriais nas que o seu persoal ten libros publicados, sempre que teñan carácter internacional. Nesta relación a cada editorial asígnaselle un valor (alto, medio, baixo) en función dunha serie de criterios de calidade. 

Bipublishers (Bibliometric Indicators for Publishers): é un proxecto desenvolvido polo grupo de investigación EC3 da Universidad de Granada. Proporciona indicadores de calidade para as editoriais incluídas no Book Citation Index de Web of Science, tendo en conta as publicacións entre os anos 2009 a 2013.

DOAB, Directory of Open Access Books: directorio de editoriais que publican monografías en acceso aberto, que esixe certos requisitos relacionados coa calidade das edicións (revisión por pares externa e independente, información a autores/as, consello editorial experto, etc.). O feito de que unha editorial estea incluída neste directorio ofrece garantías de calidade editorial.