_{Última actualización: abril de 2023.}

A creación dun perfil investigador permite unificar e xestionar a identidade profesional:

• Evita a ambigüidade e duplicidade dos nomes
• Facilita a recompilación da produción científica
• Aumenta a visibilidade das publicacións

Existen varios perfís investigadores, pero os máis coñecidos e empregados son:
 

• ORCID
• ResearcherID
• Scopus Author ID

ORCID (Open Researcher and Contribution ID) é unha organización internacional sen ánimo de lucro que proporciona un identificador dixital único e persistente. O seu obxectivo é solucionar o problema da duplicidade e ambigüidade dos nomes dos investigadores/as, cun número de identificación persoal único e un perfil investigador onde agrupar e identificar toda a produción científica.

O identificador ORCID pódese incluír na páxina web do investigador/a, ao presentar publicacións (de feito, comeza a ser un requisito para publicar nas editoriais máis importantes) etc.
ORCID é un sistema independente de calquera editorial, polo que se pode conectar con outros sistemas de identificación de autores como ResearcherID, Scopus Auhtor Identifier, RePEc...

 

 

Consulte a nosa guía sobre ORCID

Scopus Author ID é o sistema de identificación de autores e autoras de Scopus. Créase de xeito automático cando Scopus indexa unha publicación. En ocasións, neste proceso de indexación, Scopus duplica o perfil, cando non detecta que esa persoa xa está incluída na base de datos. Cando isto ocorre, cómpre solicitar a agrupación das distintas variantes do nome e as publicacións en Scopus baixo unha única firma.
 

• Vantaxes:
  • Créase automaticamente ao ter publicacións en Scopus
  • Permite xerar listaxes de publicacións e métrica de citas
     
• Limitacións:
  • As identificacións de autores non sempre son correctas
  • Non se poden importar publicacións doutras fontes 
  • Ninguén pode crear un perfil de autor/a en Scopus

Consulte a nosa a guía sobre Scopus Author ID

ResearcherID é o identificador de autor/a que emprega Web of Science (WOS) para agrupar as variantes do nome baixo un único código persoal (ID). O ResearcherID aparece nos rexistros de autor/a xerados algoritmicamente ou no perfil de investigador/a de WOS cando se ten unha conta. Este identificador ofrece á comunidade de investigación global un índice de información sobre os/as investigadores/as que se pode usar para buscar e identificar aos autores/as en Web of Science, InCites y EndNote.
Co ResearcherID de Web of Science pódense:

• Solucionar problemas de identidade de autores/as.
• Garantizar a correcta atribución de publicacións e autores/as en WOS.
• Engadir métricas de citas dinámicas da colección principal da Web of Science o outros metadatos.
• Manter actualizado o seu ORCID facendo a vinculación a través de WOS Researcher Profile.

Consulte a nosas guía sobre ResearcherID

• Normalización da sinatura científica
• ORCID
• Scopus Author ID
• ResearcherID
• Publons
• Perfil de autor/a en Google Académico