(Última actualización: febreiro 2020) 

Contémplanse cinco grupos ou modalidades de méritos:

• Actividade investigadora
  Calidade e difusión dos resultados da actividade investigadora a través de publicacións científicas, creacións artísticas profesionais, congresos, conferencias, seminarios e teses dirixidas. Comprende tamén os proxectos competitivos e contratos de investigación, amais da estancia en centros de investigación con resultados constatables.
• Actividade docente
  Amplitude, diversidade, intensidade e responsabilidade da docencia.
• Transferencia de coñecemento e experiencia profesional
  Produción de patentes e produtos con rexistro de propiedade intelectual, así como a transferencia de coñecemento ao sector produtivo. 
• Experiencia en xestión e administración educativa, científica e tecnolóxica
  Desempeño de cargos unipersoais de xestión universitaria.
• Formación
  Tense en conta só para profesor titular, e inclúe a calidade da formación predoutoral, doutoral e posdoutoral.

Destes méritos valóranse preferentemente a actividade investigadora e docente, de forma que unha avaliación positiva nestas dúas facetas fai innecesario ter en conta máis méritos para conseguir a acreditación. A transferencia de coñecemento e experiencia profesional, as actividades de xestión e a formación académica só se valoran para compesar insuficiencias non graves na investigación e docencia.

Os méritos que se aportan son considerados obrigatorios, complementarios, compensatorios ou específicos:

Méritos obligatorios:  corresponden a investigación e docencia, e inclúen:

a) Investigación

Méritos complementarios: téñense en conta para completar os méritos obrigatorios na actividade docente e investigadora cando estes non acadan o número e calidade das contribucións determinadas pola comisión de avaliación.

Méritos compensatorios: son os relativos aos méritos de transferencia de coñecemento, xestión e formación, que serven para compensar insuficiencias (cualificación C) na actividade docente e investigadora.

Méritos específicos (para catedrático/a): indicios significativos dunha traxectoria de liderado e recoñecemento externo á institución onde se presta servizo, tanto no relacionado coa actividade docente como investigadora. 

Valóranse preferentemente os  méritos relativos á actividade investigadora e docente polo que é obrigatoria a  súa presentación, e os méritos correspondentes ás outras modalidades só serven para compensar insuficiencias non graves nestas.
A avaliación da lugar a unha cualificación alfabética:
Acádase unha resolución positiva para a acreditación cando se obtén polo menos algunha das combinacións de cualificacións que amosan as seguintes táboas:

       

ANECA fai públicos os criterios de avaliación das dimensións docente e investigadora para todos os niveis (A, B, C e D), así como os niveis compensatorios (A e B) da transferencia e experiencia profesional, formación académica e experiencia en xestión.

Os criterios para a valoración da experiencia en xestión son comúns a todas as comisións,  os demais criterios axústanse en cada un dos corpos docentes e nos distintos campos, precisando cada comisión os aspectos cuantitativos e  cualitativos dos méritos que considera apropiados.
 

• Criterios da área de coñecemento A. Ciencias
• Criterios da área de coñecemento B. Ciencias da saúde 
• Criterios da área de coñecemento C. Enxeñaría e arquitectura 
• Criterios da área de coñecemento D. Ciencias sociais e xurídicas 
• Criterios da área de coñecemento E. Arte e humanidades

En moitos campos valóranse só as publicacións en revistas incluídas no Journal Citation Reports (JCR), e tense en conta a posición que a revista ocupa (cuartil, tercil, decil) na categoría correspondente tendo en conta o factor de impacto do ano de publicación (nalgúns casos tamén o inmediato cunha ventá de citación de 5 anos).

Nalgunhas áreas recóllense outros criterios como a posición que ocupa a revista en Scimago Journal Rank (SJR) ou o selo de calidade da FECYT. Tamén en certos campos tense en consideración o número e calidade das citas recibidas.

Nestas guías explícamos como localizar o factor de impacto e outros indicios de calidade dos artigos:

• Factor de impacto
• Indicios de calidade das revistas
• Localizar as citas recibidas

Nalgúns campos téñense en conta os libros e capítulos de libros, indicando nestes casos os criterios para a súa valoración que varían segundo o campo, entre outros:

• que estean publicados en editoriais internacionais de primeira liña
• que a editorial ocupe unha determinada posición en Scholarly Publishers Indicators (SPI)
• que estean publicados en editoriais especializadas e de prestixio na área de coñecemento
• no caso de editoriais universitarias, que a colección conte con selo CEA (Calidad en Edición Académica), especificándose nalgúns casos que a publicación sexa posterior á concesión do selo e estea vixente.

Ás veces sinálase que se poderán ter en consideración outros indicios de calidade como, por exemplo, número e calidade das citas recibidas, recensións especializadas, etc.

Nestas guías explicamos como localizar outros indicios de calidade dos libros e as citas recibidas:

• Indicios de calidade de libros
• Localizar as citas

En determinadas áreas téñense en consideración os traballos presentados en congresos ou xornadas, e indícanse os criterios para a súa valoración, entre outros:

• congresos internacionais de recoñecido prestixio e que estean amparados por contratos de transferencia de tecnoloxía con empresas
• congresos ous xornadas, internacionais ou nacionais, con indicios obxectivos de calidade (selección de propostas, internacionalización, periodicidade, editorial das actas etc.)
• congresos de relevancia en función do carácter internacional, entidade convocante, composición do comité científico e de organización etc.
• congresos con antigüidade e periodicidade recoñecida, así como índices de calidade na súa publicación posterior

• ANECA: programas de avaliación
• Méritos y criterios en el nuevo sistema de acreditación (vídeo-titorial de ANECA)
• Guía ayuda programa Academia
• Actualización dos criterios de avaliación do programa Academia (decembro 2019)

• Sexenios
• Autoría