Crear unha conta en ORCID é moi sinxelo: só ten que entrar na web de ORCID https//orcid.org e premer en "Registrarse-Regístrese ahora":

• Información biográfica.
• Información sobre a formación académica.
• Información sobre a vida laboral.
• Información sobre as fontes de financiación.
• Información sobre as publicacións.

Consulte a Guía para completar o perfil en ORCID

Pode acceder á súa conta en ORCID coas claves de identificación institucionais. Para iso previamente debe vincular a súa conta ORCID á Universidade de Vigo seguindo os seguintes pasos:
 

• Ao iniciar a sesión, seleccione "Cuenta institucional", introduza o nome da organización, "Universidade de Vigo", e prema no botón "Continuar"; abrirase o sistema de identificación da Universidade de Vigo; introduza o seu usuario e o contrasinal:

 

• A continuación, debe vincular a súa conta institucional co seu perfil en ORCID. Para facelo, introduza o seu número ORCID ID ou a súa conta de corrreo-e da Universidade de Vigo e o contrasinal de ORCID e prema no botón "Sign into ORCID":

A partir deste momento poderá acceder á súa conta ORCID empregando o sistema de identificación da UVigo:

A páxina de ORCID permítelle completar o seu perfil curricular engadindo todos os traballos académicos. Ao igual que nos outros apartados pódese configurar o nivel de privacidade/visibilidade que se desexe.

Pode engadir as súas publicacións de varias formas:

• Buscar e enlazar publicacións
• Engadir DOI (Digital Object Identifier)
• Engadir identificador PubMed
• A través de ficheiros en formato BibTeX. Exemplo Dialnet
• De forma manual
• Viculación da conta con WOS

 
      

Dialnet Plus permite descargar as referencias bibliográficas nun arquivo BibText e importalas posteriormente a ORCID. Neste vídeo da Biblioteca da Universidade Pablo de Olavide explícase o proceso.
 

 

^{Vídeo: "Cómo importar información bibliográfica desde Dialnet a Orcid", por Biblioteca/CRAI Universidad Pablo de Olavide, 31/ de marzo de 2021. Duración; 01:56 min.}

ORCID colabora con algunhas organizacións como CrossRef e DataCite (que proporcionan DOIs e traballan con editores e centros de datos) co fin de facilitar as actualizacións automáticas dos rexistros en ORCID. Se vostede emprega ORCID ID durante a presentación de manuscritos, estas organizacións poden enviar mensaxes á súa "bandexa de entrada" en ORCID solicitando permiso para actualizar o seu rexistro. O permiso outórgase unha soa vez e pódese revogar en calquera momento.                                                        Imaxe tomada do Orcid Blog

Se xa ten un número ORCID ID, cómpre que o introduza en SUXI. Deste xeito, completará os seus datos en BIDI, e permitirá que SUXI se actualice automaticamente desde WOS.
Entre na pestana Datos de investigación e cubra o campo ORCID ID, co seguinte formato: 0000-0000-0000-0000.

A pestana Datos de investigación atópase nos datos persoais, dentro do apartado Os meus datos:

 

• Correcta identificación da autoría, da súa contribución académica e produción intelectual; para iso será necesario incluír no ORCID as distintas firmas que emprega nas súas publicacións.
• Posibilidade de importar e exportar referencias dende Scopus, Web of Science, Dialnet, etc.
• Incorporación automática de publicacións e outras actividades de investigación.
• Xestión do histórico de afiliacións.
• Simplificación da tarefa de avaliación da actividade de investigación.

   

• Maior facilidade na recuperación das publicacións dos membros da institución.
• Xestión máis eficaz de informes de actividade investigadora para procesos de avaliación.
• Maior presenza, visibilidade e posicionamento internacional.
• Adhesión a un estándar internacional.

• Como crear un perfil en ORCID (Universo Abierto, Universidad de Salamanca)
• Faq´s ORCID
• Páxina de axuda de ORCID
• Integración entre Scopus Author ID e ORCID (Universidad Loyola)

• Normalización da sinatura científica
• Autoría
• Perfil Investigador
• ResearcherID
• Scopus Author ID
• Perfil de autor/a en Google Académico