Esta guía ofrece unha visión xeral sobre que é citar e os estilos de cita máis utilizados.
(Última actualización: xullo 2020)

Cando realizamos un traballo, unha investigación, consultamos diversas fontes de información e estas teñen unha autoría da que nos facemos debedores ou debedoras. 
 

Citar é facer unha referencia a ditas fontes, recoñecendo que utilizamos o traballo e/ou ideas doutra persoa no noso escrito.

• Dámoslle credibilidade ao noso traballo: as referencias dan evidencias da nosa investigación e do tipo de fontes que consultamos. 

• Facilitamos aos lectores e lectoras máis información e permitímoslles recuperar as fontes que empregamos. 

• Evitamos o plaxio. Non só cometemos plaxio cando presentamos como propio un documento elaborado por outro, tamén se considera plaxio copiar ou parafrasear ideas ou outros textos doutras fontes sen indicalo.

Sempre que usamos os traballos e ideas doutras persoas, independentemente de que estean editados ou sexan inéditos, do soporte e da forma de acceso á información.
Isto inclúe todo tipo de documentos: escritos, imaxes, audiovisuais, gráficos, calquera información tomada de internet e tamén a comunicación «persoal» como cartas, conversacións etc. 

Non é necesario citar cando se trata de feitos ou datos xeralmente coñecidos

Todos os estilos de cita/referencia  inclúen 3 pasos: 
 

1. - Como facer a cita no texto 

2. - Como redactar as referencias 

3. - Como ordenar as referencias dentro dunha listaxe ou bibliografía 

Denominamos: 

Cita no texto: sinal ou marca que introducimos no texto e que nos remite á referencia do documento que citamos. Os sistemas máis utilizados son: 

• Un número: remite a unha nota a pé de páxina ou a unha listaxe de referencias ordenada polo número. 
• Nome do autor-data: remite a unha listaxe de referencias ordenada polo apelido do autor/a 

Referencia: descrición bibliográfica  do documento citado. Ten que ter os datos suficientes para que o lector/a poda identificalo sen erro. 

Non hai unha normativa única para citar e elaborar referencias bibliográficas, senón que conviven diferentes normas e estilos.

Existen diferentes normas e estilos para citar e elaborar as referencias bibliográficas.
A elección do estilo pode vir  indicada polo titor /a do traballo no caso do alumnado ou pola revista, editorial, congreso  etc. no caso  dos  investigadores.
Na seguinte táboa están recollidos os estilos máis utilizados nas distintas disciplinas.
 

ESTILO	ÁMBITO	GUÍAS
APA	C. Sociais e Deporte	Guía APA da Biblioteca (galego)  Web da APA (inglés)
HARVARD	C. Sociais, Físicas e Naturais	Guía Harvard da Biblioteca (galego)  Guía da University of Queensland Library (inglés)
IEEE	Enxeñaría e Informática	Guía IEEE da Biblioteca (galego)  IEEE editorial style manual (inglés)
VANCOUVER	C. Saúde	Guía Vancouver da Biblioteca (galego)  Citing Medicine: The NLM Style Guide for Authors, Editors, and Publishers (2º ed.) (inglés)
MLA	Lingua e Literatura	Guía MLA da Biblioteca (galego)  MLA Formatting and Style Guide, Purdue University (inglés)  Web Modern Language Association (inglés)
CHICAGO	Arte e Humanidades (numérico)  Ciencias naturais (autor-data)	Chicago manual of Style (acceso á guía breve en inglés)
ACS	Química	Guía ACS da Biblioteca (galego)  The ACS Style Guide (capítulo 14 adicado á elaboración de citas e referencias, en inglés)
NORMA ISO	Multidisciplinar	Guía UNE-ISO:2013 elaborada pola Biblioteca Universidade Carlos III (castelán)

 

Se precisas coñecer mellor o funcionamento dalgún recurso etc., solicítanos unha sesión formativa

• Que é e para que preciso un Xestor bibliográfico?
• Xestores bibliográficos
• Estilo ACS
• Estilo APA
• Estilo Harvard
• Estilo IEEE
• Estilo MLA
• Estilo Vancouver