DESACTUALIZADA. Por favor, consulta a nova biblioguía: Información para o novo alumnado

Benvido/a á túa Biblioteca! Convidámoste a coñecernos!

Nesta guía atoparás información básica para dar os teus primeiros pasos na Biblioteca. Se algo non queda claro, non dubides en acudir aos mostradores de información onde estaremos encantados de atenderte!. Tamén te podes poñer en contacto con nós por teléfono ou correo electrónico.

Para comezar a coñecernos olla este video: 



Descarga o Tríptico de benvida.

Tes á túa disposición 11 bibliotecas distribuídas polos tres campus e como estudante da UVigo podes acceder a todos os seus espazos e servizos. Para comezar, localiza a biblioteca do teu centro no directorio de Bibliotecas da nosa web ou en Google Maps:
 

Bibliotecas Campus Vigo

Biblioteca de Torrecedeira

Biblioteca Central Campus Ourense

Bibliotecas Campus Pontevedra

 

Horarios: de luns a venres de 8:30 a 20:45 h. Ademais, hai horarios especiais previos ás datas de exames que podes consultar na web da Biblioteca.

A tarxeta Universitaria intelixente (TUI) é a túa identificación como estudante e é válida en todas as bibliotecas da UVigo. Na biblioteca cómpre para levar documentos en préstamo, solicitar salas de traballo en grupo ou computadoras, etc.

• Para obtela consulta a web: A tarxeta universitaria. Para obtela deberás pasar pola oficina do Banco de Santander ou polo Rexistro da UVigo do teu Campus. 
• Unha vez optida, coa App da UVigo disporás da TUI non teu móbil.

A Universidade pon á túa disposición unha conta de correo electrónico persoal na que recibirás as notificacións oficiais e do profesorado.
Ademáis, esta conta permitirache:

• Conectarte á rede wifi da UVigo
• Acceder aos recursos electrónicos subscritos pola Biblioteca dende fóra da Universidade a través do servizo proxy

Para activar a túa conta de correo electrónico da UVigo consulta a guía "O correo da UVIGO" elaborada polos Servizos Informáticos.

Hai dúas opcións:

Mediante a Rede Alumnos, a rede sen fíos implantada en todos os campus. Para conectarte emprega o usuario e contrasinal da túa conta de correo electrónico da UVigo.

Mediante Eduroam, unha rede e conexión máis segura, que poden utilizala tanto usuarios/as internos da Universidade de Vigo como usuarios/as doutras institucións afiliadas ao proxecto Eduroam. Tes que introducir a identificación e a clave de usuario.


Para empregalas consulta a guía "Conéctate nos Campus" elaborada polos Servizos Informáticos.

1. Conexión vía Proxy
2. Conexión vía SIR
3. Conexión vía EZProxy
 

• Conexión vía proxy: precisa dun pequeno cambio na configuración do teu navegador. Consulta as instrucións na guía "Conectarse por medio dun proxy" elaborada polos servizos informáticos ou a nosa guía "Conéctate".
• Conexión vía SIR: moitos recursos permiten o acceso a través do SIR (Servizo de Identidade de Recursos de RedIRIS). É un método de conexión sinxelo e seguro e que evita que teñas que cambiar a configuración do teu navegador. Consulta as instrucións na "Guía SIR".
• Conexión vía EZproxy: permite o acceso a maioría dos recursos-e suscritos pola biblioteca identificándote coas túas credenciais da UVigo

Podes solicitar en préstamo documentos en calquera das bibliotecas da UVigo e devolvelos á que che vaia mellor. Para facer uso deste servizo debes amosar a túa Tarxeta Universitaria (TUI).

Condicións:

• Estudantado de grao da UVigo e centros adscritos, estudantado do programa de maiores: 5 obras, 14 días, 2 renovacións
• Estudantado de posgrao da UVigo e centros adscritos, persoas en periodo de elaboración de tese ou TFG: 10 obras, 30 días, 5 renovacións

Renovacións: o Buscador Perseo fai as renovacións automáticamente. Recibirás un correo-e cando estea a piques de rematar o período de préstamo.

Reservas: Se queres reservar unha obra que estea prestada solicita a reserva persoalmente nos mostradores de préstamo ou envia un correo-e á túa biblioteca. Podes recollela na Biblioteca da UVIgo que máis che conveña.

Aínda que a maior parte das coleccións están en libre acceso, o mellor xeito de buscar e localizar unha obra é utilizando o Buscador Perseo. A través del podes consultar TODOS os documentos das bibliotecas da UVigo e obter información sobre a súa localización e dispoñibilidade.

Para acceder a máis servizos de Perseo, compre identificarse. Neste vídeo explicámosche como facelo:                                  

                                                         

Vídeo: “Perseo. Autenticación”. Duración: 2:18 min. (Biblioteca Universitaria de Vigo)

Na web da Biblioteca Universitaria hai unha ligazón ao Buscador Perseo.

Perseo ofrece dúas opcións de busca: 
 1. Busca simple: unha única caixa de busca
2. Busca avanzada: varias caixas de busca combinables

Nos seguintes vídeos explicamos como facer cada unha delas:

 
Vídeo: “Perseo. Busca simple”. Duración: 2:18 min. (Biblioteca Universitaria de Vigo)

​

Vídeo: “Perseo. Busca avanzada”. Duración: 4:00 min. (Biblioteca Universitaria de Vigo)

Consulta a Guía sobre o Buscador Perseo para coñecer outras funcionalidades. 

A bibliografía recomendada é unha lista de documentos que o profesorado recomenda en cada unha das materias de grao, de posgrao e dalgúns másteres oficiais, durante o curso académico.

Consúltaa facendo unha busca avanzada desde o Buscador Perseo. Instruccións no apartado Bibliografía recomendada da Guía.
 

 

A "Tarxeta da biblioteca" é o espazo onde podes xestionar os teus préstamos.

Acceso: desde a ligazón “Menú” na parte superior dereita da pantalla, selecciona “A miña tarxeta da biblioteca” (previamente debes autenticarte como indicamos no vídeo anterior).

Desde aquí podes:

• Ver un resumo da túa actividade de préstamo
• Renovar préstamos
• Xestionar as túas reservas
• Ver avisos personalizados da biblioteca e sancións acumuladas
• Ver os teus datos persoais

 

Usaremos Perseo para buscar na maioría das coleccións da biblioteca desde unha única caixa de busca. As coleccións da biblioteca inclúen todos os elementos físicos como libros, materiais audiovisuais e teses, así como a maioría dos materiais en liña libros electrónicos, artigos de revistas e contido de bases de datos aos que se subscribe a biblioteca e unha selección de recursos de acceso aberto (open access).

Recursos non incluidos en Perseo

Perseo busca na maior parte dos contidos subscritos pola Biblioteca, pero non en todos. As excepcións inclúen especialmente recursos do ámbito xurídico e legal como Aranzadi Westlaw, Tirant on Line, HeinOnline ou a Biblioteca Tirant. Tampouco recupera os contidos de bases especializadas como AENORmás (normas) ou SABI (empresas) nin os artigos da prensa dixital.

• Central Vigo
  986 813 825 | prescen@uvigo.es
• Central Ourense
  988 387 192 | presour@uvigo.es
• Central Pontevedra
  986 802 002 | presbcp@uvigo.es
• Torrecedeira
  986 813 739 | prestor@uvigo.es
• Filoloxía e Tradución
  986 812 296 | presfft@uvigo.es
• Ciencias Experimentais
  986 812 659 | prescie@uvigo.es
• Económicas e Empresariais
  986 812 408 | preseco@uvigo.es
• Ciencias Xurídicas e do Traballo
  986 812 682 | presxur@uvigo.es
• Industriais-Minas
  986 812 208 | presind@uvigo.es
• Telecomunicación
  986 812 105 | prestel@uvigo.es
• ​Belas Artes
  986 801 836 | presbel@uvigo.es

• Guía de benvida á UVigo
• Conéctate
• O buscador Perseo
• Como citar e elaborar referencias bibliográficas
• Que é o plaxio

Se precisas coñecer mellor o funcionamento dalgún recurso, mellorar as túas buscas etc., consulta a nosa oferta formativa.