Localizador de recursos electrónicos

PATENTES

Esta guía é unha selección dos recursos máis útiles para atopar información sobre patentes.
Algúns destes recursos teñen o seu acceso restrinxido á comunidade universitaria, e outros son de acceso libre.
(Última actualización decembro 2016)

Táboa de contidos

Que é unha patente?

Como busco unha patente?

Recursos para localizar patentes

Outros recursos de interese

Oficinas de Patentes

Que é unha patente?

É un título de propiedade industrial que recoñece o dereito a explotar en exclusiva unha invención impedindo a outros a súa fabricación, venta ou emprego sen consentimento do titular. As patentes constitúen unha ampia fonte de información tecnolóxica e xurídica que non adoita reproducirse en ningún outro medio.

Como busco unha patente?

Se buscas unha patente concreta podes buscar polo nome do inventor, solicitante (que é o que dententa os dereitos da invención, por exemplo: unha institución, unha empresa, un particular…) polo número de patente e/ou familia de patentes.

Se tratas de localizar unha patente por un tema, podes empregar a busca por palabra clave ou/e a busca por clasificación. O sistema de clasificación máis empregado é a Clasificación Internacional de Patentes (CIP).

Recursos para localizar patentes

Invenes
Base de datos de invencións en español da Oficina Española de Patentes y Marcas (OEPM). Integra dúas bases de datos:

. Interpat: contén documentos de patentes e modelos de utilidade, así como as patentes europeas e patentes solicitadas vía PCT que designan a España e xeneran un documento en español.

. Latipat: recolle patentes e modelos de utilidade de varios países iberoamericanos.

USPTO Patent Full-Text and Image Database
Base de datos da Oficina Nacional de Patentes Americanas (United States Patent and Trademark Office) ofrece acceso ao texto completo de patentes americanas dende 1976 e imaxes en pdf de todas as patentes dende 1790 ata a actualidade.
Espacenet
Base de datos da Oficina Europea de Patentes (EPO), que ofrece acceso libre a uns 90 millóns de patentes de todo o mundo dende 1836. Inclúe tamén información sobre familias de patentes, e a situación legal das mesmas e máis dun millón de referencias de documentos “no-patente” relevantes para o proceso de concesión de patentes.
Latipat-Espacenet : patentes latinoamericanas a través de Espacenet.

Patentscope
Base de datos producida pola Oficina Mundial de la Propiedad Intelectual (OMPI) que permite buscar en 3 millóns de documentos de patentes (coleccións nacionais e rexionais de patentes de diversos países e organizacións participantes), incluindo 58 millóns de solicitudes de patentes internacionais publicadas (PCT).

Outros recursos de interese

Tamén podes localizar patentes nalguhnas das bases de datos subscritas pola Biblioteca:

Scopus: base de datos bibliográfica multidisciplinar que indexa máis de 21000 publicacións científicas procedentes duns 5000 editores e series de libros. Ademais, nos resultados da busca recupera patentes de cinco oficinas de patentes (Oficina de Patentes e Marcas Rexistradas de Estados Unidos, Oficina Europea de Patentes, Oficina Xaponesa de Patentes, Organización Mundial de la Propiedad Intelectual e a Oficina da Propiedade Intelectual de Reino Unido).

Scifinder-n: base de datos de Química, Enxeñaría Química e áreas relacionadas. Inclúe Patenpak: ferramenta que permite localizar as sustancias clave dunha patente. Permite descargar a patente en formato PDF buscable, permitindo facer buscas textuais dentro da patente.

Oficinas de Patentes

Oficina Española de Patentes y Marcas (OEPM)
A OEPM é o organismo responsable do rexistro e concesión das distintas modalidades da propiedade industrial. O portal web da OEPM ofrece noticias e información sobre todo o relacionado con patentes e modelos de utilidade, debuxos industriais, marcas e nomes comerciais e outros tipos de propiedade industrial. Ademais de acceso a distintas bases de datos (INVENES, Espacenet, PatentScope etc), permite consultar a situación xurídica (actos de tramitación, cesións e licenzas de expedientes…) sobre expedientes de marcas, invencións e deseños a través de base de datos CEO (Consulta de Expedientes OEPM).
United States Patent and Trademark Office (USPTO)
UPSPTO.gov é o portal web da Oficina Nacional de Patentes Americanas que recolle información sobre o proceso de patentes e enlaza con distintos recursos para a súa busca.
Oficina Europea de Patentes (EPO)
Dende o portal da Oficina Europea de Patentes (OEP) pódese consultar toda a información relacionada co Convenio sobre a Patente Europea. O portal ofrece noticias e información sobre a solicitude de patentes, trámites, lexislación etc., así como ligazons ás oficinas nacionais de patentes e acceso á base de datos Espacenet e outras bases de datos que recollen a situación xurídica de documentos sobre patentes.
Organización Mundial de la Propiedad Intelectual (OMPI-WIPO)
Portal que recolle é da acceso a información sobre servizos, políticas, información e cooperación en materia de propiedade intelectual. Ofrece acceso á base de datos Patentscope, aos Tratados administrados pola OMPI, á WIPO Lex (base de datos mundial que ofrece libre acceso ás leis nacionais e tratados de propiedade intelectual de cerca de 200 países que son membros da OMPI, da OMC ou das Nacions Unidas) etc.