(Última modificación abril 2021)

EndNote Basic online é un xestor de referencias bibliográficas en liña de Clarivate que permite:
 

• Acceder e organizar as túas fontes de investigación dende calquera lugar.
• Crear unha base de datos personalizada con capacidade para 50.000 referencias
• Buscar en liña en catálogos dende EndNote (+1.500) e importar referencias.
• Exportación directa dende diferentes bases de datos e recursos en liña
• Elaborar bibliografías e inserir citas nun documento contando con máis de 3.300 formatos bibliográficos.
• Compartir referencias con outros usuarios/as que teñan unha conta en EndNote 
• Achegar arquivos ás nosas referencias cunha capacidade de 2 GB de almacenamento
• Organizar a bibliografía personal e listaxes de publicación de Researcher ID

Existen varios tipos de contas de EndNote que permiten niveis de acceso diferentes:
 

1. Unha conta "EndNote basic free" que é gratuita e a que se accede previo rexistro. Esta conta é moi limitada nas súas funionalidades e capacidade de almacenamento de referencias.
    
2. Acceso a través da  Web of Science: a Biblioteca Universitaria de Vigo como subscritora da Web of Science ofrece aos membros da comunidade universitaria o acceso á unha conta á versión EndNote basic online, con todas as funcionalidades e accesible dende dentro ou fóra do campus. Para obter esta modalidade de subscripción o usuario deberá acceder a EndNote dende a Web of Science e rexistrarse. O rexistro debe facerse dende un ordenador da UVigo (ou vía proxy). Se previamente se rexistrou nunha conta "Free" e despois accede a esa conta dende a Web of Science, o sistema o recoñece automaticamente coma usuario rexistrado e actualiza a conta pasando a ofrecer a versión completa. Unha vez rexistrado poderá acceder á súa conta iniciando sesión na Web of Science ou dende EndNote online.
    

Existen 4 formas básicas de incluir referencias:
 

1. Exportación directa: cando fagas buscas na Web of Science podes almacenar directamente os resultados na túa conta en EndNote premendo no botón "Guardar en EndNote Online".
2. Búsqueda nunha base de datos ou catálogo dende EndNote: podes facer unha busca en catálogos ou bases de datos e gardar os resultados directamente. Se queres saber como facelo consulta esta guía 
3. Engadir referencias de forma manual: dende a pestana "Recopilar" prememos en "Nueva Referencia" e enchemos os campos que precisemos segundo o tipo de documento seleccionado.
4. Importar referencias dende un arquivo de texto: dende a pestana "Recopilar" premendo en "Importar Referencias" poderemos engadir as referencias gardadas nun aquivo seleccionando o filtro de importación que corresponda.

Se precisas coñecer mellor o funcionamento dalgún recurso etc., solicítanos unha sesión formativa

Recursos de aprendizaxe elaborados por Clarivate (en inglés)
 

FAQs EndNote Basic (en inglés)

EndNote permite importar referencias dende outros xestores. Consulta na guía xeral dos xestores as diferentes formas de importación/exportación

• Qué é e para que preciso un Xestor bibliográfico?
• Tamén podes consultar as guías de outros xestores bibliográficos: Refworks, Mendeley, Zotero