Preguntas frecuentes relacionadas co funcionamento da Biblioteca Universitaria de Vigo e os seus servizos durante a crise da COVID-19. Esta información actualízase periodicamente.
_{(Última actualización,setembro 2021)}

O luns 15 de marzo restableceuse o servizo presencial para as persoas alleas á comunidade universitaria. 
Cómpre lembrar que para as persoas alleas à comunidade universitaria, e consonte o establecido nas Instrucións de reapertura das salas de estudo das bibliotecas da Universidade de Vigo, para acceder ás bibliotecas é necesario ter un carné de usuario/a externo/a da Biblioteca Universitaria en vigor.
A capacidade máxima das Bibliotecas está limitada ao 50% dos postos (maio 2021) de acordo coas medidas adoptadas pola Xunta de Galicia para facer fronte á crise sanitaria.
Coa finalidade de artellar a prioridade de uso dos postos de estudo polos membros da Universidade de Vigo, o seu uso polos usuarios/as externos/as supedítase a que cando a metade dos postos que ofrece unha biblioteca estean ocupados (ou en situación de “non dispoñibles”), poderase restrinxir o acceso aos usuarios/as externos/as.

A información sobre os horarios e as capacidades máximas permitidas en cada biblioteca pode consultarse no apartado "As bibliotecas" da nosa web. Podes ver aquí que postos quedan libres na túa biblioteca (selecciona a biblioteca e pulsa o botón "enviar").

  ​

Roma. Vánitas y bares by María Natividad Bermejo Arrieta is licensed under CC BY-NC-ND 4.0

Desde o luns día 7 de setembro están abertas con limitación de aforo as 11 bibliotecas que constitúen a Biblioteca Universitaria da UVIGO co seu horario habitual.

Debes mostrar ao persoal do servizo a túa tarxeta TUI (tarxeta universitaria intelixente) ou o carné da biblioteca (no caso de usuarios/as externos/as: persoas ás que se lles permite o uso dos servizos bibliotecarios da Universidade de Vigo, previa solicitude).

O uso da máscara é obrigatorio para entrar e durante o tempo que permanezas na Biblioteca.

O uso dos postos de estudo está permitido a todos os membros da Universidade de Vigo (estudantado, PDI e PAS) e ós usuarios/as externos/as. Para acceder ós postos de estudo deberás identificarte no mostrador de préstamo coa TUI (tarxeta universitaria intelixente) ou co carné da Biblioteca.
Debido á COVID-19 o número de postos está limitado.
O personal da biblioteca asignarache un posto. Unha vez asignado non podes cambiar de sitio. Ao abandoar o posto debes comunicalo ao persoal para que quede identificado ata que se proceda á súa limpeza polo persoal de limpeza.

Consulta na ligazón as instrucións de uso de postos e os aforos de cada unha das Bibliotecas

Si, o uso dos postos de estudo tamén está permitido a usuarios/as externos/as (persoas ás que se lles permite o uso dos servizos bibliotecarios da Universidade de Vigo, previa solicitude). Para acceder ós postos de estudo deberás amosar no mostrador de préstamo o carné da biblioteca.
Debido á COVID-19 o número de postos está limitado e cando se chegue ao aforo do 50 % se restrinxirá o acceso dos usuarios/as externos/as.
O personal da biblioteca asignarache un posto. Unha vez asignado non podes cambiar de posto. Ao abandoar o posto debes comunicalo ao persoal para que quede identificado ata que se proceda á súa limpeza polo persoal de limpeza.

Consulta as instrucións de uso de postos e os aforos de cada unha das Bibliotecas

Diríxete a unha das Bibliotecas da Universidade de Vigo para tramitar unha solicitude. Para a tramitación da solicitude cómpre entregar unha foto tamaño carné e amosar o DNI ou pasaporte.

Entra na páxina principal da Biblioteca e preme na ligazón "Podes ver aquí que postos quedan libres na túa biblioteca". Abrirase unha páxina na que debes seleccionar a biblioteca e premer no botón "Enviar" deixando o contrasinal en branco. Visualizarás na esquina superior esquerda da páxina o número de postos que hai libres nese momento coa abreviatura PD. Non é posible facer reservas de postos en liña. 
 

Tamén podes contactar coa Biblioteca do teu centro ou campus.

O acceso as salas de traballo en grupo está suspendido.   

O acceso aos libros situados en libre acceso non está permitido. Se precisas consultar ou levar en préstamo algunha destas obras, debes solicitalo ao persoal da biblioteca, que será quen accederá e o porá á túa disposición. Rematada a consulta debes devolver a obra ao persoal da biblioteca ou depositala nos carros ou mesas habilitadas para a súa posta en corentena durante 3 días.

O acceso ás coleccións non está permitido polo que tes que solicitar o préstamo de libros e outros documentos das coleccións da Biblioteca Universitaria no mostrador da Biblioteca. Proporcíonalle ao persoal da Biblioteca os datos do libro, DVD etc  para localizar a obra no catálogo. Unha vez localizada a obra, o persoal da biblioteca desprazarase ao lugar onde se atope para recollela e poñela a túa disposición.
Consulta na ligazón as instrucións para o préstamo

Podes devolver os libros en calquera das Bibliotecas da Uvigo no horario habitual. Os libros pasarán un período de corentena durante 3 días.

Poden usar o Servizo de préstamo tanto os membros da comunidade universitaria (PDI,PAS estudantado da Universidade de Vigo), como os usuarios/as externos/as que dispoñan do carné da Biblioteca da Universidade de Vigo.

O préstamo de portátiles segue polo momento suspendido.

Si, os ordenadores de sobremesa e outros dispositivos electrónicos poden ser utilizados con fins de estudo, docencia ou investigación. Para iso, a persoa usuaria deberá proceder, antes e despois de cada uso, á hixienización dos teclados, ratos e outros periféricos necesarios para utilizar os dispositivos. A biblioteca porá a súa disposición solucións alcohólicas ou desinfectantes e panos de papel que se desbotarán unha vez rematada a hixienización.

As fotocopiadoras e os escáneres xa están dispoñibles. Para usalos é preciso que desinfectes o equipo antes e despois de cada uso. Para iso terás a túa disposición material desinfectante, xel hidroalcohólico e panos desbotables. 

• Central Vigo
  986 813 825 | prescen@uvigo.es
• Central Ourense
  988 387 192 | presour@uvigo.es
• Central Pontevedra
  986 802 002 | presbcp@uvigo.es
• Torrecedeira
  986 813 739 | prestor@uvigo.es
• Filoloxía e Tradución
  986 812 296 | presfft@uvigo.es
• Ciencias Experimentais
  986 812 659 | prescie@uvigo.es
• Económicas e Empresariais
  986 812 408 | preseco@uvigo.es
• Ciencias Xurídicas e do Traballo
  986 812 682 | presxur@uvigo.es
• Industriais-Minas
  986 812 208 | presind@uvigo.es
• Telecomunicación
  986 812 105 | prestel@uvigo.es
• ​Belas Artes
  986 801 836 | presbel@uvigo.es