_{(Última actualización setembro 2020)} 

Benvido/a á túa Biblioteca! Convidámoste a coñecernos!

Nesta guía atoparás información básica para dar os teus primeiros pasos na Biblioteca. Se algo non queda claro, non dubides en acudir aos mostradores de información onde estaremos encantados de atenderte!. Tamén pódeste poñer en contacto con nós por teléfono ou correo electrónico.

Para comezar a coñecernos olla este video: 



^{Vídeo: A Biblioteca. Serie Xornadas de Benvida. Servizos UVigo. 2020 1:24'}'

Descarga o Tríptico de benvida.

Co gallo do inicio do novo curso no marco da situación xerada pola Covid-19, o 7 de setembro a Biblioteca Universitaria abriu as súas portas ao público, aínda que con algunhas limitacións derivadas da aplicación de medidas de seguridade e hixiene. Desde a devandita data, as once bibliotecas permitirán o uso das súas salas e postos de estudo consonte o establecido nas Instrucións de reapertura das salas de estudo das bibliotecas da Universidade de Vigo e, para o préstamo de libros, de acordo coas Instrucións para o préstamo de obras da Biblioteca.  A información sobre os horarios e os aforos máximos permitidos nas bibliotecas pode consultarse no apartado "As bibliotecas" da nosa web.

Biblioteca e COVID-19 FAQs 

Uso das salas e postos de estudo (preme na imaxe para visualizar a infografía)
 

Tes á túa disposición 11 bibliotecas distribuídas polos tres campus e como estudante da UVigo podes acceder a todos os seus espazos e servizos. Para comezar, localiza a biblioteca do teu centro no directorio de Bibliotecas da nosa web ou en Google Maps:
 

Bibliotecas Campus Vigo

Biblioteca de Torrecedeira

Biblioteca Central Campus Ourense

Bibliotecas Campus Pontevedra

 

Horarios: de luns a venres de 8:30 a 20:45 h. Ademais, hai horarios especiais previos ás datas de exames que podes consultar na web da Biblioteca.

A tarxeta Universitaria (TUI) é a túa identificación como estudante e é válida en todas as bibliotecas da UVigo. Na biblioteca cómpre para levar documentos en préstamo, solicitar salas de traballo en grupo ou computadoras etc.
 

Para obtela consulta: Como obter a miña Tarxeta Universitaria. Unha vez optida, coa App da UVigo disporás da TUI non teu móbil.

A Universidade pon á túa disposición unha conta de correo electrónico persoal na que recibirás as notificacións oficiais e do profesorado.
Ademáis, esta conta permitirache:

• Conectarte á rede wifi da UVigo
• Acceder aos recursos electrónicos subscritos pola Biblioteca dende fóra da Universidade a través do servizo proxy

Para activar a túa conta de correo electrónico da UVigo consulta a guía "O correo da UVIGO" elaborada polos Servizos Informáticos.

Hai dúas opcións:

Mediante a Rede Alumnos, a rede sen fíos implantada en todos os campus. Para conectarte emprega o usuario e contrasinal da túa conta de correo electrónico da UVigo.

Mediante Eduroam, unha rede e conexión máis segura, que poden utilizala tanto usuarios/as internos da Universidade de Vigo como usuarios/as doutras institucións afiliadas ao proxecto Eduroam. Tes que introducir a identificación e a clave de usuario.


Para empregalas consulta a guía "Conéctate nos Campus" elaborada polos Servizos Informáticos.

Aínda que a maior parte das coleccións están en libre acceso, o mellor xeito de buscar e localizar unha obra é utilizando o catálogo Perseo. A través del podes consultar TODOS os documentos das bibliotecas da UVigo e obter información sobre a súa localización e dispoñibilidade.
 
Na web da Biblioteca Universitaria hai unha ligazón ao catálogo Perseo.

Olla estes videotitoriais sobre como consultalo:

• A busca por título

 

 

• A busca por tema

A bibliografía recomendada é unha lista de documentos que o profesorado recomenda en cada unha das materias de grao, de posgrao e dalgúns másteres oficiais, durante o curso académico.

Consúltaa dende o apartado "Atopar información" da páxina web da Biblioteca e tamén dende o catálogo hai un enlace directo á ''Bibliografía recomendada''.

A busca debe facerse polo nome da materia/asignatura en galego. Para ampliar información, consulta a guía "Bibliografía recomendada".

Podes solicitar en préstamo documentos en calquera das bibliotecas da UVigo e devolvelos á que che vaia mellor. Para facer uso deste servizo debes amosar a túa Tarxeta Universitaria (TUI).

Condicións:

• Estudantado de grao e de 1º e 2º ciclo da UVigo e centros adscritos: 5 obras, 14 días, 2 renovacións
• Estudantado de 3º ciclo da UVigo e centros adscritos, persoas en periodo de elaboración de tese e bolseiros/as ou contratados/as de investigación: 10 obras, 30 días, 5 renovacións

Renovacións: podes facelas a través da opción do catálogo " A miña conta / Renovar préstamos", nos mostradores de préstamo das bibliotecas, ou por teléfono.

Reservas: Se queres reservar unha obra que estea prestada solicita a reserva persoalmente nos mostradores de préstamo ou envia un correo-e á túa biblioteca. Podes recollela na Biblioteca da UVIgo que máis che conveña.

"A miña conta" é o espazo virtual na Biblioteca que permite facer algúns trámites sen necesidade de achegarse fisicamente á biblioteca:
 

• Renovar os préstamos sempre que se cumpran as condicións para facelo 
• Ver os documentos en préstamo e as súas datas de devolución
• Ver as reservas e cancelalas no caso que non che interese mantelas
• Ver os documentos levados en préstamo ao longo do tempo

Acceso: dende a pantalla principal do catálogo hai un enlace "A miña conta / Renovar préstamos".



Para máis información consulta a guía "A miña conta".

Dende a web da biblioteca tes acceso ás distintas bases de datos, revistas e libros electrónicos subscritos pola Universidade de Vigo, e a unha selección de recursos gratuítos. Neste titorial explicámosche como consultar os recursos electrónicos da biblioteca.
 

Para poder consultar dende fóra da Universidade os recursos electrónicos subscritos pola Biblioteca (bases de datos, revistas e libros electrónicos etc.) hai que empregar o proxy da UVigo.

Para coñecer como configuralo e as normas de emprego deste servizo, consulta a guía "Conectarse por medio dun proxy" elaborada polos servizos informáticos ou a nosa guía "Conéctate".

• Central Vigo
  986 813 825 | prescen@uvigo.es
• Central Ourense
  988 387 192 | presour@uvigo.es
• Central Pontevedra
  986 802 002 | presbcp@uvigo.es
• Torrecedeira
  986 813 739 | prestor@uvigo.es
• Filoloxía e Tradución
  986 812 296 | presfft@uvigo.es
• Ciencias Experimentais
  986 812 659 | prescie@uvigo.es
• Económicas e Empresariais
  986 812 408 | preseco@uvigo.es
• Ciencias Xurídicas e do Traballo
  986 812 682 | presxur@uvigo.es
• Industriais-Minas
  986 812 208 | presind@uvigo.es
• Telecomunicación
  986 812 105 | prestel@uvigo.es
• ​Belas Artes
  986 801 836 | presbel@uvigo.es

• Conéctate
• Catálogo
• A miña conta / Renovar préstamos
• Bibliografía recomendada
• Como citar e elaborar referencias bibliográficas
• Que é o plaxio

Se precisas coñecer mellor o funcionamento dalgún recurso, mellorar as túas buscas etc., consulta a nosa oferta formativa.