Localizador de recursos electrónicos

1. Como activo a miña conta de correo electrónico da Universidade?

Para saber como activar a túa conta de correo electrónico da Universidade de Vigo preme nesta ligazón. Esta conta de correo é a que tes que empregar para poder acceder aos recursos electrónicos subscritos pola Biblioteca dende fóra da Universidade.

2. Como podo acceder aos recursos electrónicos dende a miña casa?

Para poder consultar os recursos electrónicos subscritos pola biblioteca dende fóra da Universidade hai que empregar o proxy. Consulta a guía "Conectarse por medio dun proxy" elaborada polos Servizos informáticos.
 
Lembra que co proxy terás que empregar a túa conta de correo electrónico da Universidade de Vigo; se non sabes como activala consulta este titorial.

Alternativamente, algúns recursos electrónicos permiten o acceso mediante o SIR que permite o acceso sen necesidade de utilizar o proxy. Consulta nesta guía como acceder aos recursos nos que está habilitado este sistema.

3. Como podo conectarme á wifi da Universidade de Vigo?

Hai tres redes wifi dispoñibles: alumnos, persoal e Eduroam:
  • Redes alumnos e persoal: para conectarse só hai que introducir os datos do correo electrónico da UVigo, pero estas redes non están encriptadas polo que unha persoa avantaxada podería chegar a ver as comunicacións.  
  • Rede Eduroam: conexión máis segura e dispoñible en moitos centros do mundo, que poden utilizala tanto usuarios/as internos da Universidade de Vigo como usuarios/as doutras institucións afiliadas ao proxecto Eduroam. Para empregala previamente hai que instalar o soporte lóxico seguindo estes pasos: 
     1)  Acceder á web http://cat.eduroam.org
     2) Seleccionar como institución a Universidade de Vigo e descargar o soporte lóxico para o noso sistema operativo.
     3) Introducir o noso usuario e contrasinal.
Examinar as FAQs por categoría
Buscar FAQs
Se tes algunha outra pregunta ou dúbida contacta coa Biblioteca: referencia@uvigo.es / 986.813.843