FIADOR (Localizador de Fontes de Información Académica)

REFWORKS. NOVIDADES

Actualmente conviven dúas versións de RefWorks:

	RefWorks clásico (RefWorks Legacy): o RefWorks de sempre, que estivo dispoñible estes últimos anos e que continuará en funcionamento polo menos ata o 2019.
	Novo RefWorks (Proquest RefWorks): a nova versión, que está accesible dende marzo de 2018 na web da Biblioteca Universitaria.

(Última actualización, abril de 2018)

AVISO IMPORTANTE SOBRE A POLÍTICA DE PRIVACIDADE (Maio 2018)

O próximo 25 de maio entra en vigor o novo Regulamento Xeral de Protección de Datos (RGPD, o GDPR ) da Unión Europea. Este regulamento afecta á política de privacidade de RefWorks, polo que nos comunican que para respectar o seu cumprimento, a partires de mañán martes 22 de maio, todos os usuarios do antigo RefWorks (RefWorks Legacy) e do Novo RefWorks (Proquest RefWorks) deberán aceptar a súa nova política de privacidade e cookies. Isto aplicarase a todos os clientes de RefWorks, con independencia do seu país de residencia.

Se como usuario/a non acepta a política de privacidade, RefWorks verase obrigado a eliminar a conta en cumprimento coa nova normativa.

Se elimina a súa conta por erro, rogámoslle que se poña en contacto canto antes coa Sección de Soporte á Aprendizaxe e á Investigación, enviando un correo a referencia2@uvigo.es ou chamando ao 986 813843.

Prema nesta ligazón para ver a información proporcionada por RefWorks sobre o procedemento para confirmar o consentimento de privacidade de RefWorks.

QUE VERSIÓN USAR?

Se pertence á UVIGO e é a primeira vez que usa RefWorks, recomendámoslle que cree unha conta no Novo RefWorks. Guía Novo RefWorks.

Se xa ten conta no RefWorks clásico, non é preciso que cambie ao Novo RefWorks, a non ser que queira facelo. Esta versión continuará funcionando polo menos ata 2019.

Para ampliar información consulte esta táboa comparativa das dúas versións.

AVISO IMPORTANTE PARA USUARIOS/AS DO REFWORKS CLÁSICO

Os escritos redactados en Word co RefWorks Clásico (usando Write-N-Cite) non son compatibles co Novo RefWorks. Por tanto, se está terminando un proxecto ou está a medias nun traballo (tese, artigo, TFM etc.) non migre ao Novo RefWorks.
Se quere comezar a usar o Novo RefWorks pode crear unha conta en https://refworks.proquest.com/ pero lembre que:

- Serán contas distintas

- Non estarán sincronizadas

A Biblioteca anunciará con antelación o peche do RefWorks Clásico e o procedemento de migración ao Novo RefWorks, garantindo aos usuarios/as a conservación das súas referencias e documentos.

CONTACTE COA BIBLIOTECA

Para máis información, por favor, contacte coa Sección de Soporte á Aprendizaxe e á Investigación:

Biblioteca Central de Vigo referencia@uvigo.es Tel. 986 813843
Biblioteca Rosalía de Castro (Ourense) saibco@uvigo.es Tel. 988 387230
Biblioteca Central do Campus de Pontevedra refbcp@uvigo.es Tel. 986 802001